Leagan Trialach - Measúnú Múnlaitheach

Oideachas Speisialta - Áiseanna Scoile Uile

Is measúnú múnlaitheach ar scileanna litrithe é seo. Is í príomhsprioc an mheasúnaithe seo na páistí a aithint a bhfuil breis tacaíochta uathu chun go mbeidh múinteoirí in ann tacaíocht spriocdhírithe a chur ar fáil dóibh. 

Cuirtear eolas ar fáil i Lámhleabhar an Mhúinteora mar gheall ar chur i bhfeidhm na tástála, agus déantar cur síos ar an mbealach le torthaí an mheasúnaithe a nascadh le gníomhaíochtaí tacaíochta/idirghabhálacha ar leith sa doiciméad Próifíl an Dalta: Treoir don Mhúinteoir.

Tá an measúnú seo dátheangach; cuirtear trí thriail litrithe ar fáil i nGaeilge agus i mBéarla.

Is leagan trialach/béite é seo den triail, agus cuirfear an-fháilte roimh aiseolas. Is féidir dul i dteagmháil le hEmily ag ebarnes@tcd.ie más mian leat moltaí a chur ar fáil faoin tástáil.

Dearadh an áis seo mar chuid d’obair lárionad taighde SEALBHÚ in Ollscoil Chathair Bhaile Átha Cliath. Mhaoinigh COGG an measúnú.